UNHA PUTADA CON MOITA CLASE

O outro día no colexio de Agolada, tivemos unha reunión co delegado provincial de Educación, D. Cristóbal Fernández no CEIP de Agolada. Esta reunión ven a conto de que a consellería, quérenos quitar o primeiro ciclo da ESO, e traslado IES Laxeiro de Lalín. Ata fai pouco, os alumnos do CEIP de Agolada, podían realizar alí os seus estudos ata os segundo curso da ESO, aínda que o colexio fóra só un centro de infantil e primaria. Agora a nova ordenanza da Consellería de Educación, pretende quitar esta situación de tódolos centros, como o de Agolada. A cuestión xa ven de atrás, pero é unha medida absurda que, se nos poñemos a pensar, ¿para que serve? En Lalín os centros xa non dan máis, e veñen aquí, un día calquera, con moita clase, eso si, a intentar convencernos de que o mellor para todos é que a ESO marche, que en Lalín, seica caben ben alí, teñen mellores instalacións e corenta mil historias. Según o señor Delegado hai moitos motivos para que a ESO marche, motivos que en realidade non o son. O delegado, díxonos que o de ter o primeiro ciclo da ESO neste colexio, fóra unha medida transitoria, e que algún día se tiña que acabar. Como argumento principal, mostrounos a caída de poboación que está a acontecer en Agolada, xa que no último ano, perdemos máis de 65 habitantes. Pero, como ben dixeron na reunión algúns dos pais alí presentes, o que deberían facer, en vez de levar a tódolos rapaces de primeiro e segundo da ESO para Lalín, sería engadir terceiro e cuarto da ESO, para que o noso colexio non quede deserto, como pasa en moitos da zona, como en Cercio ou en Merza. Según nos dixo esta medida, por moito que fagamos xa non ten remedio, e que isto, xa era un debate do pasado, que xa sabía dende hai tempo. Aínda que non ten moito que ver hai unha cousa que me chamou a atención, Un dos pais que estaba alí preguntou, que: “se a poboación volvera aumentar…volvería a ESO?” e, fíxome graza a resposta do Sr. Alcalde, D. Ramiro Varela que contestou, que se estaba facendo todo o posible para aumentar a poboación, dende o concello estábanse aplicando medidas como a de vender os terreos do polígono practicamente regalados. E a miña pregunta é, logo, por que non deixou vir a fábrica de automóbiles BMW o noso polígono? Pero bueno, eso xa é outro tema,e en canto o da ESO, moito me temo que esta batalla está perdida, pero a guerra aínda non empezou. E que aínda que a eles lles de igual, nos seguiremos loitando polo que queremos. Deixos na imaxe o delegado de educación pola provinza de Pontevedra , Cristóbal Fernández.